Terii ummiid tera intazaar jab se hai
Na shab ko din se shikayat na din ko shab se hai
Kisii kaa dard ho,karate hain tere naam raqam
Gilaa hai jo bhii kisii se terii sabab se hai
Huaa hai jab se dil-e-naa-sabar beqaabuu
Kalaam tujhse nazar ko barii adab se hai
Agar sharar hai to bharake, jo phuul hai to khile
Tarah tarah kii talab tere rang-e-lab se hai
Kahaan gaye shab-e-furqat ke jaagne vaale
Sitaaraa-e-sahar ham-kalaam kab se hai
 |
| Terii ummiid tera intazaar jab se hai | urdu ghzal |
Post a Comment