Chalo Hum dosti kar lain By zia anjum




Chalo Hum dosti kar lain By zia anjum Lyrics

Guzarta saal hai 
or saal ka ye aakhri din hai 
abhi kuch dhoop hai lekin 
zara c der ko tay hai k aakhir 
shaam honi hai 
haqeeqat ya kahaani jo bhi hai 
anjaam honi hai 
agar tay hai yehi hona 
to phir kis baat ka khadsha 
to phir kis baat ka rona 
chalo mil beth kar apnay 
khasaaray baant lete hein 
sabhi rang aur jugnu or sitaaray 
baant lete hein.... 

guzarta saal hai or saal ka ye 
aakhri din hai 
abhi kuch dhoop hai lekin 
zara c der ko tay hai k aakhir 
shaam honi hai 
haqeeqat ya kahaani jo bhi hai 
anjaam honi hai 
agar tay hai yehi hona 
to kyoun na shaam se pehlay 
kisi anjaam se pehlay 
bhula kar har pareshaani 
jhatak kar har takalluf ko 
jo kuch ghariya'n mayassar hein 
inhi mein zindagi kar lein 
kisi ehsas ki sham'a jala kar in 
andheron mein 
koi dam roshni kar lein 
chalo hum dosti kar lein,

Post a Comment

 
Top