Khwabon Ko Asliat Mein Dekhna Abhi Baqi Hai

Khwabon Ko Asliat Mein Dekhna Abhi Baqi Hai

Zakhm-E-Dil-O-Tanhai Aazamana Abhi Baqi Hai

Parda To Abhi Utha Hi Nahi Barkhudar,

Aasman Se Bijli To, Abhi Girna Baqi Hai

Nazaron Se Sawalon Ki Bauchar Abhi Baqi Hai

Jawab Dene Ki Mahirat Ki Imtihan Abhi Baqi Hai

Jhuken Chahey Unki Ya Tumhari Nazar,

Ek Ranjish Bhari Kayaamat Aani Abhi Baqi Hai

Anaginat Masti Ke Jalwe Abhi Baqi Hai

Husn-Parasti Ka Sabaq Seekhna Abhi Baqi Hai

Ginana To Hai Har Haal Mein – Kitne,

Bit Gaye Din Kitne Guzaarnaa Baqi Hai

Kya Naseehat Dun Mere Dost, Kuch Bhi Nahin Baqi Hai

Phir Na Kehna Duniyadari Ab Kya Dekhna Baqi Hai

Armaan Ashkon Mein Ghul Gaye, Dil Bikhar Kar Chur ‘Satish’

Murda To Hum Kabke Bane, Faatiyaa Padhnaa Baqi Hai

Khwabon Ko Asliat Mein Dekhna Abhi Baqi Hai