Nahin nigaah mein manzil to justuju hi sahi
Nahin visaal mayassar to aarzoo hi sahi
Na tan mein khoon faraham na ashk aankhon mein
Namaaz-e-shauq to wajib hai be-wazu hi sahi
Kisi tarah to jam-e-bazm maikade walo
Nahin jo baadaa-o-sagar to haa-o-hoo hi sahi
Gar intezar kathin hai to jab talak aye dil
Kisi ke vada-e-farda ki guftagu hi sahi
Dayaar-e-gair mein maharam agar nahin koi
To 'Faiz' zikr-e-watan apne ru ba ru hi sahi
Post a Comment
EmoticonClick to see the code!
To insert emoticon you must added at least one space before the code.